बाल गीत
बाल गीत
********
अम्मा हमका ला देव दुल्हनियां
करति लड़ाई मोरि बहैनियां
गुड़िया गुड्डा खुब खेलति है
मुन्नी, चुन्नी के संग खेलति है
हमसे सामान मंगावति है
पर हमका नहीं खेलावति है
करति लड़ाई मोरि बहनियां
अम्मा हमका ला देव दुल्हनियां हमहुँ दुल्हनियां के संग खेलिबे
ओहिके हम दुलहा बनि जइबे
उवा बनि जाई मोरि दुल्हनियां
ओहिका हम लै लेबे कनियां
अम्मा हमका ला देव दुल्हनियां
फिर हम एक से दुई होइ जइबे
बहिना से फिर ढंग से लड़िबे
ओहिका हमहूं नहीं खेलइबे
तब अकेलि पड़ि जाई बहिनियां
अम्मा हमका ला देव दुल्हनियां
बहिना का फिर घर से भगइबे
कल्लू के संग शादी करवइबे
अपने घर मा नहीं बुलइबे
राखी बंधवांवैं ओहिखे घर जइबे
त्योहारन मा ओहखा बोलवइबे
दूल्हा राजा संग आई बहिनियां
अम्मा हमका ला देव दुल्हनियां
कष्ट मुसीबत मा हम जइबे
तब बहिना का ना हम छोड़िबे
आपस मा हम प्रेम बढ़इबे
ओहिके कामे हमहीं अइबे
हमरी प्यारी एक बहिनियां
अम्मा हमका ला देव दुल्हनियां
***********************
विद्या शंकर अवस्थी पथिक
Muskan khan
08-May-2023 09:52 PM
Nice
Reply
अदिति झा
07-May-2023 07:31 PM
Nice 👍🏼
Reply